J'AN 'D LA GUERA
Nà ant el 1936, e j’avia ancura nin quatr ann quand ch’a lé ancaminà la scunda “Guera mundial”. A Rivareul e l’han vivüva an manera meno dramàtica ed cüj ch’a stasian a Türin, ma quaie cambiament ant la nostra dieta alimentar a-i sén ëstèt. Pi che autr el pan! Poc e fèt cun ed farina scadenta. Na vota a la semana a-i rivava dai nostre parent campagnin na pagnota ‘d pan bianc. Quand ch’e veso me ch’a së sghèra al di d’ancheu ogni “Ben di Dio”… am ven da piànzer. Mia mare am disìa suens: “A venta nin sgherar perché fin-a Nusgnur a l’è calà da caval per cojer na grana ‘d melia”. Grassie ai so cunsèj e j’hu amparà a nin sgherar gnente.
Ën di dël 1944 as sun presentà da gnèt düi o trè militar tedesc che a n’han dit che e duvian lassar liberi j lucaj perché ch’a ‘n n’avian da manca lur. Prope dë dvant a ca nostra, sla stra pruvincial per Türin a la perfiferia a mesdì ‘d Rivareul, a l’era stèt fèt ëd post bloc: due müraje ‘d ciman bütà an manera da ubligar le poce automòbij, ij cartun e le persune a ralentar an manera ‘d pudè-je cuntrular mej. E sèn ëstèt uspità per quase n’ann ant la fvrassiun Argentera ant la casiina ‘d mè nono da part ëd pare “Minot dël mulin”.
Custa “depurtassiun” da Rivareul a n’ha aluntanè ancura ‘d pì da j’aveniment dla guèra. Per mi la guèra a l’è stèta vardar a distansa ij bumbardament ëd neut dzura a Türin. Ël rumur dla mitralià che, ël 22 ëd mars 1945, a j’ha büta fin a la vita ‘d sinc partigian; ël rumur dle bumbe tirà ant ël mèis ëd fevrer dël 45 cuntra ‘l punt dzura a l’Orco a Rivareul.
E m’arcordo dcò che mè pare e ij so fardej a j’avian scavà na tampa prufunda ant ël pra dvant da ca. Quand ch’a j’era sentur d’ën rastrelament da part dij suldà tedesc mè pare e ij mè barba a së scundìan drinta a la tampa, gnèt e seràvan la bòtula e parèj as salvàvan da l’arest e da la depurtassiun an Germania.
Ant l’invern mi e andasia cun ij mè parent a ciapar ij pess ant le ruse. Parèj as giuntava quaicosa al nostr pòver menü.
Ëd cüj temp e m’arcordo dcò ij vèder dle fnestre cumpletament giassà. Le stansie a s’éran nin riscaudà. L’ünica stüva o ‘l furnel a l’era ant la cüsina.
Finìa la guèra e j’han pudü riturnarant la nostra ca. Prope a fianc ëd chila a l’è ancaminà la custüssiun dël vilage San Giüsèp, ën giujel, vizin a lë stabiliment dla cunceria SALP. A l’è ancaminà parèj cul bel mument ëstoric ch’a j’ha purtà l’Italia al pì aut scalin dël benèsser.
TRADUZIONE
Nato nel 1936, non avevo ancora quattro anni quando è cominciata la seconda "Guerra mondiale". A Rivarolo l'hanno vissuta in maniera meno drammatica di quelli che stavano a Torino, ma qualche cambiamento nella nostra dieta alimentare c'è stato. Più che altro il pane! Poco e fatto con farina scadente. Una volta alla settimana arrivava dai nostri parenti contadini una pagnotta di pane bianco. Quando vedo io che si spreca al giorno d'oggi ogni "Ben di Dio"... mi viene da piangere. Mia madre mi diceva spesso: "Non bisogna sprecare perché persino Nostro Signore è sceso da cavallo per raccogliere un chicco di meliga (granoturco)". Grazie ai suoi consigli ho imparato a non sprecare niente.
Un giorno del 1944 si sono presentati all'improvviso due o tre militari tedeschi che ci hanno detto che dovevamo lasciare liberi i locali perché ne avevano bisogno loro. Proprio davanti a casa nostra, sulla strada provinciale per Torino alla periferia a sud di Rivarolo, era stato fatto un posto di blocco: due mura di cemento messe in modo da obbligare le poche automobili, i carri e le persone a rallentare per poterle controllare meglio. Siamo stati ospitati per quasi un anno nella frazione Argentera nella cascina di mio nonno da parte di padre, "Minot del mulino".
Questa "deportazione" da Rivarolo ci ha allontanati ancora di più dagli avvenimenti della guerra. Per me la guerra è stata guardare a distanza i bombardamenti di notte sopra Torino. Il rumore della mitragliata che, il 22 marzo 1945, ha messo fine alla vita di cinque partigiani; il rumore delle bombe tirate nel mese di febbraio del '45 contro il ponte sopra l'Orco a Rivarolo.
Mi ricordo anche che mio padre e i suoi fratelli avevano scavato una buca profonda nel prato davanti a casa. Quando c'era sentore di un rastrellamento da parte dei soldati tedeschi, mio padre e i miei zii si nascondevano dentro la buca, di nascosto chiudevano la botola e così si salvavano dall'arresto e dalla deportazione in Germania.
Nell'inverno io andavo con i miei parenti a prendere i pesci nelle rogge (nei fossi d'acqua). Così si aggiungeva qualcosa al nostro povero menu.
Di quei tempi mi ricordo anche i vetri delle finestre completamente ghiacciati. Le stanze non erano riscaldate. L'unica stufa o il fornello era in cucina.
Finita la guerra siamo potuti tornare nella nostra casa. Proprio a fianco di essa è iniziata la costruzione del villaggio San Giuseppe, un gioiello, vicino allo stabilimento della conceria SALP. È iniziato così quel bel momento storico che ha portato l'Italia al più alto scalino del benessere.